Чешкиот тим- Дукла Прага веќе пристигна во Охрид и го одработи официјалниот тренинг во салата „Билјанини Извори“ во пресрет на утрешниот натпревар од осминафиналето на ЕХФ Европскиот Куп.
Гостинската екипа се запозна со условите во салата каде утре од 18:00 часот ќе се соочи со ГРК Охрид во првиот натпревар од двомечот. Тренингот помина во сериозна и фокусирана атмосфера, со јасна цел – подготовка за предизвикот што ги очекува на жешкиот охридски терен.
Дукла Прага важи за тим со традиција и искуство на европската сцена, а утрешниот дуел ќе биде вистински тест и за двата состави. Од друга страна, охриѓани со поддршка од трибините ќе се обидат да обезбедат позитивен резултат пред реваншот во Прага.
Сè е подготвено за ракометен спектакл во „Билјанини Извори“, каде атмосферата од трибините може да биде дополнителната предност за домашниот тим.
