Македонскиот репрезентативец Тихомир Костадинов ја напушти Сигма Оломоуц поради недоволната минутажа и до крајот на сезоната ќе настапува како позајмен играч во Словачко.
29-годишниот играч за врска одлучи да направи промена во својата кариера со цел да добие поголема шанса за настап и да ја врати натпреварувачката форма.
Иако си заминува од Сигма Оломоуц, Костадинов ќе продолжи да настапува во регионот и останува дел од силното чешко првенство.
Костадинов има богато интернационално искуство зад себе. Во текот на кариерата настапуваше за повеќе клубови во Словачка, Полска и Чешка, меѓу кои Банска Бистрица, Вион Злате Моравце, Ружомберок и Пјаст Гливице, додека на домашната сцена го носеше дресот на Тетекс.
Со новиот ангажман, македонскиот репрезентативец ќе се обиде повторно да фати натпреварувачки ритам и да се наметне со добри игри, што ќе биде важно и во пресрет на следните предизвици со националниот тим.
