Амбициозниот второлигаш Шкендија од Арачиново го промовираше Џихан Адили како најново засилување за пролетниот дел од сезоната на ден пред затварањето на зимскиот преоден рок. 23-годишниот Адили во тимот од Арачиново доаѓа од редовите на прволигашот од Шкупи од каде и потекнува.
Низ неговата кариера тој беше дел од Кораб од Дебар, настапуваше за Беласица, Кожуф од Гевгелија и штипска Брегалница, а во странство беше дел од косовскиот тим Дреница.
Шкендија Арачиново во пролетниот дел ќе цели кон влез во Прва лига, а пролетниот дел го отвара на домашен терен против Преспа од Ресен.
