Тениската репрезентација на Македонија претрпе убедлив пораз од Кипар со 5:0 во дуелот од Втората Светска зона на Дејвис купот што се одигра во Никозија. Во трите натпревари домашната селекција ги потврди победите и го комплетираше максималниот триумф.
Во последниот меч, 15-годишниот Марко Алексовски загуби од Константинос Мегалемос со 2-0 во сетови (7:6(8), 6:1). Во првиот сет се водеше израмнета борба, Алексовски спаси четири сет топки, но ривалот беше посигурен во тај-брејкот и славеше со 10:8 на поени. Во вториот сет кипарскиот тенисер доминираше и го доби со 6:1.
Во првиот сингл меч Кристијан Јанев беше поразен од Николас Кембел со 2-0 (6:2, 7:5). Претходно, во конкуренција на двојки, Стефан Мицов и Амар Хусеиновиќ загубија од тандемот Мелиос Ефстатиу / Елефтериос Неос, исто така со 2-0 во сетови.
По овој пораз, македонската репрезентација во јуни ја очекуваат настапи во рамките на Третата зона.
