Зимската пауза во Првата македонска фудбалска лига заврши, од денес започна пролетниот дел со натпреварите од 17. коло.
Првата пролетна рунда веднаш носи дерби во Тетово меѓу Шкендија и Струга Трим Лум, натпревар со голем влог за трите бодови на два директни конкуренти за титулата.
Тренерот на актуелниот шампион Шкендија, Јетон Беќири во изјава за ФФМ, вели дека екипата е подготвена за предизвиците за пролетниот дел.
„Подготовките ги оценувам позитивно. Единствено времето во Анталија беше лошо во текот на целиот престој, но тоа беше пречка за сите тимови кои се подготвуваа таму. Важно е што ги одигравме сите четири предвидени пријателски натпревари. Нашата цел беше да им дадеме минути на сите играчи и да нема повреди. Задоволен сум од напредокот на тимот, мислам дека сме во добра форма и се надевам дека првенството ќе го почнеме добро. „Тимот е подготвен. Немаше многу промени во екипата. Верувам дека тимот е комплетен и подготвен да одговори на првенствените, Куп и европските натпревари. Секој натпревар за нас во пролетниот дел е важен, и верувам дека добро ќе одговориме на секој предизвик“, изјави Беќири.
Тренерот на Шкендија зборуваше и за првиот меч кој го игра Шкендија денес против Струга Трим Лум.
„Одиграа квалитетно во есенскиот дел, и беа ми се чини најдобрата екипа до квалитет. За нас е некој нов почеток, ќе дадеме се од себе да се радуваме пред нашите симпатизери. Секако дека ги анализиравме, играат добро, некои играчи играат заедно и навистина очекувам да видиме убав и тврд натпревар“, рече Беќири.
