Еурофарм Пелистер победнички ја отвори новата година и ерата на Стевче Алушовски на клупата, откако во рамките на 19. коло од Суперлигата славеше над Еурофарм Пелистер 2 со убедливи 39-24.
Шампионот уште во првото полувреме ја наметна разликата во квалитет и искуство, а по паузата целосно го презеде ритамот на натпреварот, стигнувајќи и до двоцифрена предност. „Сениорите“ рутински го приведоа мечот кон крај и без поголеми проблеми ги освоија новите два бода.
Најефикасен кај победниците беше Богдан Радивојевиќ со девет погодоци, додека кај вториот тим најмногу се истакна Славчо Шулевски. Со оваа победа, Еурофарм Пелистер останува во врвот на табелата и продолжува со темпирање на формата за завршницата од сезоната, додека Еурофарм Пелистер 2 го очекува неизвесна борба за место во плејофот во преостанатите кола.
