Фудбалската федерација на Македонија ги одреди термините и саатниците за првото пролетно коло во Првата македонска фудбалска лига, а втората полусезона стартува на 10 февруари (вторник).
Колото ќе се игра во три денови, односно вторник, среда и четврток, а терминот е 14 часот за сите натпревари.
Пролетната полусезона се отвара со двата дуели кои на програмата ќе биде на 10 февруари (вторник), кога Шкупи ќе го пречека Тиквеш, а дербито ќе го одиграат Шкендија и Струга Трим Лум. Во среда (11 февруари) на програмата ќе бидат два натпревари. Вардар ќе го пречека Арсими, а пак во Кратово ќе се соочат Силекс со Башкими.
Првата пролетна рунда или 17. коло се затвара во четврток (12 февруари) со последните два меча. Во Струмица ќе се соочат Брера и Македонија ЃП, а пак Пелистер во Битола го чека Работнички.
Прволигашите влегуваат во последни подготовки пред стартот на пролетниот дел од фудбалската елита на Македонија.
