Милијана Релиќ имаше одличен настап на меѓународната таеквондо сцена и изминатиов викенд се закити со бронзен медал на Фуџарија Г-2 Опен турнирот што се одржа во Обединетите Арапски Емирати.
Македонската натпреварувачка стартуваше сигурно и убедливо уште во првата борба, каде ја совлада Ју Јеук Чан од Хонг Конг со 2:0 во рунди, покажувајќи одлична форма и стабилност во клучните моменти.
Потоа следуваше дуелот за бронзеното одличје, во кој Релиќ повторно доминираше и беше подобра од Олимпијката Нада Лаарај од Мароко, исто така со 2:0 во рунди, со што заслужено се искачи на победничкиот подиум.
Во полуфиналето Милијана се сретна со Иранката Косар Асасех, но по само 10 секунди борба беше принудена да ја предаде борбата поради повреда, односно истегнување на мускул, што ја спречи да продолжи и да се бори за пласман во финалето.
И покрај повредата, Мила го освои бронзениот медал на силниот Г-2 турнир и претставува голем успех за Релиќ и уште една потврда за нејзиниот квалитет и потенцијал на меѓународните таеквондо натпреварувања.
