Борбата за обезбедување на првото место во Трета лига – Запад ќе биде исклучителна неизвесна, бидејќи во пролетниот дел неколку екипи ќе се „тркаат“ кој да биде шампион и да го обезбеди баражот за Втора лига.
Овој регион лидер е Камјани кој има 27 бодови, дури пет повеќе од конкурентот Влазерими од Кичево кој со 22 бодови е на второто место, а пак Вардар од Брвеница со 21 бод е трет.
Ова ќе биде тројката која ќе се бори за првата позиција, а од сенка ќе се обиде да направи изненадување кичевски Напредок кој е четврти со 19 бодови, но ќе биде исклучително тешко.
Камјани зависи сам од себе, пет бодови не е голема предност, притисокот е голем, бидејќи и Вардар Брвеница се надева дека со добри резултати ќе може да ја надокнади бодовната разлика и да го стигне Камјани.
Сите екипи во пролетниот дел ќе влезат со по неколку засилувања во ростерите, со цел поголем квалитет пред клучните пролетни предизвици кога многу работи ќе се решаваат.
Дали Камјани ќе успее да го сочува врвот, или пак Влазерими и Вардар Брвеница ќе успеат да се искачат на врвот или можеби Напредок ќе направи изненадувања – останува да видиме што ќе донесат пролетните предизвици и колку екипите се подготвени за тој предизвик.
Како што е познато шампионите во Трета лига немаат директен влез во Втора лига, па без разлика која од овие екипи стане шампион, а не го помине баражот, следната сезона одново ќе биде во третолигашкото друштво.
