Фудбалерите на Работнички беа поразени со 1-2 од Шкендија Арачиново на пријателскиот дуел одигран во Скопје, во рамките на зимските подготовки. По добриот настап против Охрид, дебармаалци овојпат не успеаја да го наметнат ритамот, додека второлигашот покажа поголема цврстина и конкретност.
Гостите рано поведоа преку Владимир Жоглев, а прволигашот Работнички возврати со погодок од белата точка, дело на Сухељ Мухарем. И покрај неколкуте шанси на двете страни, решавачкиот момент се случи во второто полувреме, кога Фикрет Ливарека го постигна победничкиот гол за тимот од Арачиново.
Натпреварот доаѓа во чувствителен момент за Работнички, кој го очекува тешка пролет во Првата лига. „Романтичарите“ презимија на претпоследната позиција со само седум бодови, а продолжението од сезоната го отвораат со гостување кај Пелистер во Битола.
Од другата страна, Шкендија Арачиново со голема самодоверба ја чека битката за пласман во елитата. Тимот ја заврши есента на второто место во Втората лига, со бод помалку од лидерот Охрид, и јасна цел – промоција во Првата лига.
Дополнителна тежина на овој дуел му дава и фактот што истите ривали ќе се сретнат во четвртфиналето од Купот на Македонија. Потсетување дека токму Шкендија Арачиново минатата сезона, како третолигаш, приреди сензација и го елиминираше Работнички – доволен аларм дека Куп-пресметката нема да биде нималку наивна.
