Ракометната академија на РК Младост 1977 официјално ги отвори уписите за нови членови и започнува со работа со најмладите генерации. Клубот врши упис на машки и женски деца родени 2012 година и помлади, со цел создавање на нови ракометни таленти и правилен спортски развој уште од најрана возраст.
Тренинзите ќе започнат на 2 февруари 2026 година (понеделник) со почеток од 19:30 часот, а ќе се одржуваат три пати неделно – во понеделник, среда и петок, во спортската сала „Млаз“ во Богданци. За децата од околните села обезбеден е организиран превоз, со што се олеснува нивното редовно присуство на тренинзите.
Академијата ќе работи под водство на тренери со големо ракометно искуство и богати кариери, поранешни врвни спортисти и репрезентативци – Далибор Лукиќ, Анастасија Станковска и Анита Туранова. Тие ќе им овозможат на младите не само да ги совладаат основите на ракометната игра и правилата, туку и да стекнат знаење за дисциплината, тимскиот дух и богатата историја на РК Младост и ЖРК Млаз од Богданци.
Како дополнителна мотивација, секој нов член ќе добие маица од клубот, а уписите се веќе во тек.
За подетални информации и пријавување, заинтересираните можат да се јават на контакт телефон: 078/277-860. Младост 1977 уште еднаш ја потврдува својата посветеност кон развојот на ракометот во југоисточниот регион – каде дефинитивно ракометната школа на Младост 77 е најдобра во Југоистокот, но со сигурност и низ целиот Исток од Македонија.
