Македонските прволигаши продолжуваат со одигрување на пријателски натпревари со цел темпирање на формата за пролетниот дел од шампионатот.
Екипата на Тиквеш ремизираше против Славија Софија на тестот кој се одигра во Анталија. Мечот заврши со резултат од 1:1, а Мартин Стојанов беше стрелец за кавадаречкиот прволигаш од белата точка.
Пријателско реми без погодоци (0:0) одиграа Македонија ЃП и Шкупи како дел од зимските подготовки.
Шкендија со пресврт загуби од Подбрезова на тестот во Анталија со резултат од 1:2. Искусниот Бесарт Ибраими во 32. минута погоди за водство на македонскиот шампион од 1:0, а потоа тимот од Словачка во вториот дел направи комплетен пресврт и славеше со 1:2.
