Претседателот на Фудбалската федерација на Македонија, Масар Омерагиќ, деновиве престојуваше во турската Анталија, каде што дел од македонските прволигаши ги одработуваат зимските подготовки пред стартот на пролетниот дел од шампионатот.
Во рамки на посетата, Омерагиќ оствари средби со раководните структури на Пелистер, Струга Трим Лум, Тиквеш, Силекс, Вардар и Шкендија, при што разговараше за текот на подготовките и очекувањата од продолжението на сезоната во Првата македонска фудбалска лига.
Првиот човек на ФФМ ја истакна важноста на добрата подготвеност и изрази оптимизам дека љубителите на фудбалот ги очекува возбудлива пролет со многу квалитетни и неизвесни натпревари, особено во завршницата од првенството. Потсетуваме, вториот дел од сезоната во Првата лига стартува на 7 февруари.
„Остварив посета и се сретнав со претставници на нашите клубови кои своите подготовки за продолжението на Прва МФЛ ги реализираат во Анталија. Им посакувам успешни подготовки, исполнување на зацртаните цели и во вториот дел од сезоната да гледаме неизвесен и квалитетен фудбал, каков што го заслужуваат клубовите и навивачите“, напиша првиот човек на ФФМ, Масар Омераргиќ.
