Стартот на пролетниот дел во Првата женска кошаркарска лига го носи дербито меѓу актуелниот шампон Баскет Кам и Крива Паланка, дуел на две екипи кои ќе се борат за титулата. Овој меч на програмата ќе биде в недела од 16 часот, а се игра во спортската сала „Кирил и Методиј“ во Македонска Каменица.
Ден претходно, односно в сабота ќе се одиграат три натпревари. Спорт Тим ќе биде домаќин на Бадел меч кој се игра во Неготино од 15 часот. МЗТ Бела Вода ќе биде домаќин на Вардар во СЦ „Јане Сандански“ од 14 часот.
Во Делчево пак „фенерџијата“ Патриот ќе бара прв позитивен резултат оваа сезона против Пробаскет во натпревар кој е закажан да се одигра во салата „М.М. Брицо“ во Делчево од 18 часот.
