Вардар од следната сезона ќе биде посилен со Леон Љевар, 24-годишен репрезентативец на Хрватска, а двете страни се договорија за соработка од две години, за што вчера објави Спортска Мрежа.
Новото засилување на Вардар истакна дека му е големо задоволство и чест што ќе настапува во дресот на Вардар.
„Многу ми е големо задоволство и чест што потпишав за Вардар. Сите знаеме каква историја има Вардар и ми е драго што имам можност да бидам дел од таков клуб. Се радувам на играњето во Вардар и се надевам дека ќе помогнам на тимот да ги оствари сите поставени цели, изјави Љевар.
