Некогашниот прволигаш, а сега есенски шампион во Трета лига – Север, Еуромилк од Горно Лисиче означи старт на зимските подготовки во снежни услови.
Со првиот тренинг кој беше одработен вечерва под рефлектори поранешниот прволигаш ќе цели кон една цел – да се врати во Втората македонска фудбалска лига.
Еуромилк ГЛ е лидер во Трета лига – Север со 37 бодови, пет повеќе од БВК Коњари кој е втор со 32 бодови.
Сите играчи од есенскиот дел ќе бидат на распогање и во пролетниот дел, а тимот од Горно Лисиче договори три нови засилувања, а се водат преговори во Еуромилк ГЛ да пристигнат неколку уште неколку засилување.
Од раководството на клубот ништо не оставаат на случајност, бидејќи првата цел е да бидат шампиони во Трета лига – Север, да се освои шампионската титула, а потоа ќе следува баражот за влез во Втора лига, меч кој е „финале“ на целата сезона и на работата во изминатите месеци.
Управата на клубот уште еднаш потврдува дека тимот е одлично организиран, има план и визија за во иднина и цел – враќање на клубот на старите добро патеки кога Еуромилк ГЛ играше во Првата македонска фудбалска лига.
