Ринор Ајдини кариерата ќе ја продолжи во нова средина, откако се раздели со прволигашот Арсими.
25-годишниот централен играч за врска ќе има нов клуб во својата кариерата. Во тековната сезона Ајдини за Арсими одигра осум меча во Првата лига, а на терените помина 222 минути и постигна еден гол, а во Купот на Македонија забележа еден настап со 58 минути.
Покрај за Арсими, Ајдини беше дел од Гостивар, Тетекс, Кадино и Работнички, додека пак меѓународна кариера градеше во хрватскиот Драговољац.
Интерес за услугите на Ринор Ајдини има, а во следниот период ќе треба да одлучи каде ќе ја продолжи кариерата.
