Македонија славеше значајна победа против Романија (24-23) во последниот меч од групната фаза на Европското првенство. Слатка е победата извојувана со звукот на сирената, пред се заради полесниот бараж за место на СП 2027.
Нашиот национален тим ќе игра еден бараж во кој веројатно ќе биде и носител. По мечот и драматичната победа, коментар во име на тимот даде и стрелецот на победоносниот гол, Ненад Костески.
Македонија ја заврши групната фаза со победа над Романија, реми со Португалија и пораз од Данска. Само данско чудо и превисок триумф над Португалија ќе ги однесе избраниците на Лазаров во втората фаза.
„Сите ја имавме желбата и бевме спремни за овој натпревар. Го дадовме нашиот максимум и мислам дека на крајот, треба сите да сме среќни и задоволни. Имавме добро првенство- со голем бод против Португалија, која знаеме како котираше на минатото првенство. Овој меч со Романија го спремавме, исто така долго време. Се потрудивме да одиме на што поголема разлика, но не успеавме, ете ривалот се врати во игра и тоа е што е. Сите треба да сме среќни и задоволни..оваа екипа оди напред“, изјави Ненад Костески.
Со победата над Романија, Македонија ја завршува групната фаза со три освоени бода, но надежта за пласман во втората фаза зависи од резултатот на дуелот Данска – Португалија. Сепак, духот и мотивот во тимот се очигледни, а победоносниот гол на Костески ја потврдува силата на оваа екипа за следните предизвици.
