Третолигашот Света Троица од Охрид го претстави првото зимско засилување – се работи за Никола Угриноски, 24-годишен фудбалер кој всушност е повратник.
Угриноски од февруари 2025 година настапувано за второлигашот Преспа од Ресен, а по една година се раздели со клубот и сега се враќа одново во Света Троица.
Низ својата кариера има настапувано и за Сатеска од Волино, второлигашот Охрид, во период од февруари 2019 до февруари 2021 година беше дел од Њу Старс, а Охриѓанецот настапуваше и за Металург во период од септември 2016 до февруари 2019 година. Првите фудбалски чекори ги прави во Фер Плеј од Охрид.
Есенскиот дел тимот на Света Троица го заврши на седмото место со девет бодови, а во пролетниот дел Охриѓани засилени ќе атакуваат на што повисок пласман. Вториот дел од сезоната во Трета лига – Југозапад ја отвараат против Напредок во Ношпал.
