Европската ракометна федерација (ЕХФ) ги одреди официјалните лица за натпреварите од третото коло на групната фаза на Европското првенство кое се одржува во Данска, Шведска и Норвешка.
Клучниот дуел меѓу Македонија и Романија, кој ќе одлучува за шансите на нашата репрезентација за пласман во главната рунда, ќе биде суден од словенечката двојка Бојан Лах и Давид Сок. Станува збор за искусни европски арбитри, кои веќе делат правда и на други натпревари на континенталниот собир, меѓу кои и дуелот Австрија – Шпанија.
За делегати на натпреварот се назначени Хрватката Лидија Бојиќ Чачиќ и Израелецот Шломо Коен, додека Македонија повторно ќе има судии од регионот на еден од најважните натпревари на шампионатот.
Средбата меѓу Македонија и Романија ќе се одигра во вторник во „Јуске Банк Боксен“ во Хернинг со почеток од 18:00 часот. На избраниците на Кирил Лазаров им е потребна победа против Романците, а паралелно ќе ги следат и случувањата на дуелот меѓу Данска и Португалија, кој може да има клучно влијание во конечниот расплет во групата.
