Во историскиот прв натпревар под рефлектори на битолскиот стадион „Петар Милошевски“, Пелистер со голот на Мирко Ивановски во 92. минута го совлада Вардар во најголемото македонско фудбалско дерби.
Картите беа распродадени за рекордно време, интересот за најголемото македонско фудбалско дерби беа големи, особено фактот што светна битолскиот стадион со новата трибина.
Херој на мечот е Ивановски, кој на спектакуларен начин го прослави голот против Вардар, се качи горе на трибината каде што беа верните „Чкембари“, голема еуфорија, радост, но поради тоа доби и втор жолт картон со што беше исклучен од игра.
Натпреварот го одбележа моментот со присуството на двете навивачки групи „Чкембри“ и „Комити“ кои во текот на мечот има свои пиротехнички шоуа, а на крајот „зелено белите“ прославија имаа и зошто, повеќе од добредојде им беше оваа за нив минимална, но голема победа, со која Пелистер предводен од штипскиот стратег Влатко Костов се зацврстува во средината од табелата, но има простор да прогресите кон горниот дел од табелата, а Вардар од коло во коло тоне и тоне, па сега е на дното со само осум бодови на своето конто.
Двете екипи имаа свои моменти на натпреварот, но немаше реализации, а најдобри искористи Ивановски кој донесе ерупција на стадионот „Петар Милошевски“ со што трите бодови останаа во Битола.
