Второлигашот Кожуф од Гевгелија за пролетниот дел од сезоната ќе биде посилен со Филип Тодороски, кој доаѓа од редовите на прволигашот Пелистер.
Како што дознава Спортска Мрежа, двете страни постигнале договор за соработка и Тодороски кој се раздели со битолскиот тим пристигнува во Гевгелија и се очекува да биде големо освежување и за силување за тимот од Гевгелија кој го води Иван Варадиновски.
Низ кариерата Тодороски настапуваше за Победа од Прилеп од каде и ја започна кариерата, беше дел од Работнички, Воска Спорт и Пелистер.
Претходно, како што објави Спортска Мрежа ростерот на Кожуф беше засилен Лембовски, Богевски, Варешаноски, Ивановски и голманот Шемковски.
