22-годишниот Лука Милојевиќ е ново засилување на ФК Пелистер. Фудбалерот од средниот ред во Битола пристигнува на позајмица од српскиот прволигаш Раднички Крагујевац.
Милојевиќ е млад и перспективен играч кој може да одговори на повеќе позиции во средината на теренот, а се одликува со добра техничка подготвеност, преглед на играта и борбеност. Во својата досегашна кариера има настапувано за Раднички Крагујевац, како и за Младост Нови Сад, каде што стекна драгоцено искуство во сениорскиот фудбал.
Од таборот на Пелистер очекуваат Милојевиќ брзо да се вклопи во екипата и со своите квалитети да придонесе во остварувањето на клупските амбиции во продолжението од сезоната.
