Македонската ракометна репрезентација со изменет состав ќе истрча на теренот против Португалија во второто коло од групната фаза на Европското првенство. Селекторот Кирил Лазаров направи две значајни корекции во ростерот, со што јасно најави поинаков пристап во однос на стартниот натпревар со Данска.
По пауза во првото коло, повторно во комбинација се најдоа искусните Никола Митревски и Жарко Пешевски, кои поради помали здравствени проблеми не настапија против Данска. Нивното враќање треба да донесе дополнителна стабилност, како во одбраната, така и во организацијата на играта.
Од друга страна, надвор од тимот за дуелот со Португалија останаа голманот Иван Галевски, пивотот Самоил Ристевски и левиот бек Дамјан Митев, кои нема да бидат во комбинација за овој натпревар.
- СОСТАВИТЕ НА МАКЕДОНИЈА И ПОРТУГАЛИЈА:
Средбата меѓу Македонија и Португалија се игра вечерва од 18:00 часот во арената „Јуске Банк Боксен“ во Хернинг, а за нашата селекција претставува клучен момент во борбата за продолжување на настапот на шампионатот.
По поразот од Данска на отворањето, Македонија ќе се обиде да одигра значително поконкурентен натпревар против Португалија, која во првото коло остави позитивен впечаток и го започна турнирот со победа над Романија.
