Најголемото фудбалско дерби во Македонија меѓу Пелистер и Вардар ќе се одигра во Пелистер и тоа под рефлектори, а во рамки на 13. коло од Прва лига, коло кое денес беше отворено, а ќе се комплетира токму со оваа дерби.
Двете екипи се далеку од посакуваната форма и се во лоша форма, резултатска криза, но во секој случај кога овие две екипи ќе се соочат секогаш дербито има сјај. Новата трибина е распродадена, ќе биде исполнето секое столче, тука ќе бидат и двете навивачки групи „Чкембари“ и „Комити“.
- ВО ЖИВО: ПЕЛИСТЕР – ВАРДАР (ПРЕНОС ФФМ)
Двете екипи на последните пет натпревари немаат триумф. „Црвено-црните“ се во длабока резултатска криза, со четири порази и само едно реми на последните пет натпревари, додека пак Пелистер е на осмото место со еден пораз и четири ремија во низа. „Зелено-белите“ имаат нешто подобра форма и затоа се на осмото место со 13 бодови, во однос на Вардар кој е на дното како последен со осум бодови на своето конто.
Императивот за трите бодови е голем, Пелистер сака радост која за нив би била само трета и со тоа да одат барем до шесттото место на табелата, а пак Вардар со триумф ќе може да дојде до бараж зоната и да се израмни со Воска Спорт со по 11 бодови.
Натпреварот стартува во 19 часот, а главен судија ќе биде Јован Качевски.
