Беласица закажа пет пријателски натпревари – два ќе бидат меѓународни!

Второлигашот Беласица од Струмица преку пет пријателски натпревари ќе ја проверува формата за пролетниот дел од сезоната.

Првиот пријателски натпревар струмичани го играат на 24 јануари против Кожуф, а пак на 31 јануари струмичката фудбалска гордост ќе се тестира со Осогово.

На 3 февруари ќе следува пријателски натпревар со Детонит Плачковица, а потоа Беласица ќе одигра два меѓународни пријателски натпревари. На 7 февруари Беласица ќе игра против бугарскиот тим Беласица Петрич, а пак на 14 февруари против Септември Симитли.

Струмичани под водство на шефот на стручниот штаб Панче Стојанов ги започнаа подготовките за пролетните предизвици, а како што најави клубот амбициите остануваат исти – влез во Прва лига.

Пролетниот дел Беласица го отвара на домашен терен против Охрид, во дерби на колото.