Искусниот Алпај Јусуф пристигна во Осогово, каде што ќе ја продолжи својата кариера во редовите на второлигашот од Кочани. Неговото искуство треба да биде значаен адут за „жетварите“ во остварувањето на клупската цел – директен опстанок во Втората лига.
Како што истакна Јусуф, чест му е што доаѓа во Кочани и што ќе го носи дресот на Осогово, а додаде дека ќе даде максимум за да се исполнат амбициите на клубот.
„Чест ми е што сум во Кочани и да играм за Осогово, ќе дадам од себе за да ги оствариме амбициите на клубот оваа сезона“, изјави Алпај Јусуф.
Осогово денес, под водство на стратегот Крсте Крстев, ги започна зимските подготовки. Тимот од Кочани денес официјално ги промовираше и двете засилувања – Алпај Јусуф и Филип Димоски.
