Фудбалерите на Вардар не успеаја позитивно да го започнат подготовниот престој во Турција, откако на првиот контролен натпревар беа поразени од чешкиот претставник Јаблонец со 6-2.
Противникот наметна висок ритам уште во воведните 45 минути, период во кој црвено-црните не успеаја да пронајдат вистински одговор, па на паузата резултатот беше убедливо на страната на Јаблонец. Во продолжението македонскиот шампион покажа поинакво лице и успеа да постигне два погодоци, дело на Олаосебикан и Диего Кастањеда, но тоа беше недоволно за резултатски пресврт.
Овој натпревар беше прва можност стручниот штаб предводен од Гоце Седлоски да ја провери моменталната форма на екипата и да ги воочи сегментите на кои ќе треба дополнително да се работи во продолжение на подготовките.
Вардар ќе има нова шанса за поправен впечаток на следниот пријателски натпревар во Турција, каде на 20 јануари ќе се соочи со тимот на Андијон од Узбекистан.
