Прволигашот Пелистер се засили со Милан Србијанац, се работи за 27-годишен фудбалер кој игра на левата бековска позиција.
Новото засилување на битолчани доаѓа од редовите на Железничар Инџија, а има настапувано и за екипите на Графичар, Слобода Ужице, Раднички Срем, Кабел Нови Сад, Феникс, Златибор.
Србијанац има над 150 натпревари за Првата српска лига, а има настапувано и за српската репрезентација до 18 години. Во есенскиот дел настапи на 23 натпревари во сите конкуренции.
Пелистер замина на зимски подготовки во Анталија, каде ќе одигра и неколку пријателски натпревари за проверка на формата.
