Без поголеми изненадувања помина првата натпреварувачка вечер на Европското првенство за селекцијата на Германија. „Панцирите“ во регионалното дерби ја совладаа Австрија со 30-27, во интересен меч до самиот финиш, кога Австријците успеаја да се доближат, но сепак без сили за сензација.
Дуелот меѓу Германија и Австрија, беше многу рамноправен, но искуството и дисциплината на германскиот состав се покажаа како клучни. Иако Австријците во неколку наврати успеваа да се вратат во резултатска рамнотежа, фаворитот секогаш наоѓаше одговор во вистинскиот момент.
Клучна улога одигра расположениот голман Андреас Волф, кој со серија интервенции го држеше „бундес тимот“ во предност, особено во периодите кога одбраната попушташе.
Германија успеа да создаде солидна разлика уште во првиот дел, а иако Австрија се закани во финишот, драмата беше спречена со навремени и клучни одбрани, како и смирена реализација во нападот.
Германците го отворија шампионатот со максимален учинок и самодоверба за продолжението на натпреварувањето.
