Прволигашот Тиквеш од Кавадарци продолжува со јасна стратегија за развој на сопствен кадар и вложување во младите фудбалери. Во таа насока, младиот БлагојчСтојчев го потпиша својот прв професионален договор со клубот, со важност од една и пол година.
Од редовите на Тиквеш истакнуваат дека договорот е резултат на напорната работа на Стојчев во младинските категории, како и на довербата што клубот ја има во неговиот потенцијал. Со континуирана и систематска работа со младите селекции, кавадаречкиот клуб поставува темели за стабилна иднина и создавање на сопствен фудбалски кадар. Во наредниот период се најавува потпишување професионални договори и со други млади фудбалери од школата на Тиквеш.
Во однос на сениорскиот тим, Тиквеш ја заврши есенската полусезона на осмото место на табелата во Првата македонска фудбалска лига со 18 освоени бодови, позиција која води во бараж-зоната за опстанок. Пролетниот дел од шампионатот тимот ќе го отвори со дуел против Шкупи.
Подготовките за продолжението на сезоната Тиквеш ќе ги одработи во Белек, Турција, каде што стручниот штаб ќе работи на подигање на формата и стабилизирање на екипата во борбата за опстанок во елитата.
