Второлигашот Беласица денес ги стартуваше подготовките за пролетниот дел од сезоната под водство на шефот на стручниот штаб Панче Стојанов.
На првиот тренинг се појавија сите играчи на кои Стојанов може да смета и неколку играчи од младинскиот погон. Како што истакнуваат од клубот овие денови ќе бидат промовирани неколку нови играчи кои ќе бидат освежување во ростерот на струмичката фудбалска гордост.
Од Беласица истакнуваат дека целите остануваат исти, да се освои едно од местата кои што водат кон Прва лига. Првиот тренинг беше одработен на теренот со вештачка трева во Струмица.
Како што веќе објави Спортска Мрежа има неколку заминувања од клубот, дресот на Беласица повеќе нема да го носи најдобриот стрелец од есенскиот дел Бојан Спиркоски, Марио Дебрешлиоски, Максим Цониќ, Марио Наумоски и Стефан Секирски.
Беласица презимува на четвртото место со 31 бод, има пет помалку од лидерот Охрид која има 36 бодови. Струмичани пролетниот дел го отвараат на домашен терен со Охрид.
