Со убедливата победа на Сатеска во Волино од 7:3 над Велешта беше отворено осмото коло во Трета лига – Југозапад.
Убедлива победа која беше најавена уште на полувреме кога домашниот тим имаше превисоки 5:1 со тотална доминација на теренот. За ваквата убедлива победа на домашниот тим беше и фактот што Велешта допатува само со еден играч на клупата за резерви, па така тенката клупа и можност од само една измена се рефлектираше за ваквиот резултат.
Најдобриот стрелец и голгетерот на Сатеска Волино постигна два погодоци, а двапати стрелаа и Лука Богданоски и Даниле Короскоски, а еден гол постигна ФИлип Вранишкоски. За тимот на Велешта Диели Каба беше двоен стрелец, а еден гол постигна Шпетим Каба.
Колото ќе се комплетира денес, за што Спортска Мрежа ќе информира со детален извештај со стрелци.
