Македонскиот дефанзивец Диме Димов повеќе не е дел од индонезискиот клуб Персебаја, откако двете страни постигнаа договор за прекин на соработката на почетокот на 2026 година. По една сезона мината во индонезискиот фудбал, 31-годишниот стопер се наоѓа пред нова клупска страница во својата кариера.
Димов имаше значајна улога во тимот, редовно добивајќи шанса во стартниот состав, а во текот на престојот во Персебаја настапи на 29 официјални натпревари во сите конкуренции. Иако минатата година беше стандарден дел од одбраната, со почетокот на новата календарска година беше одлучено соработката да заврши, а искусниот дефанзивец веќе разгледува нови понуди.
Персебаја беше втор интернационален ангажман за радовишанецот, по настапите во бугарска Локомотив Софија, каде го оствари својот прв трансфер надвор од Македонија. Кариерата ја започна во Металург, а потоа настапуваше и за Кожуф, Гостивар и Хоризонт Турново, пред да ја изгради најстабилната фаза во дресот на Академија Пандев. Во струмичкиот клуб се задржа цели седум години, го носеше и капитенскиот трак и остави силен печат во домашниот фудбал.
Еден од поважните моменти во неговата кариера е и сезоната 2018/2019, кога како фудбалер на Брера Струмица го освои Купот на Македонија. Со богатото искуство од домашната сцена и од странство, Димов во наредниот период ќе бара нов клуб и нов предизвик.
