Второлигашот Преспа од Ресен на 21 јануари (среда) ќе ги започне подготовките за пролетниот дел од сезоната, каде тимот кој е повратник во Втората лига ќе се соочи со тешка пролет во трката да фати место во баражот за опстанок.
Тимот кој презимува на 14-то место со девет бодови го очекува тешка пролетна полусезона со реални шанси да се фати место за бараж за опстанок.
Преспа и во пролетниот дел ќе ја води Неџат Хусеин како шеф на стручниот штаб, а ростерот останува ист од есенскиот дел, а управата истакнува дека веќе се работи на ангажирање на неколку засилувања како и приклучување на неколку играчи од младинската школа во првиот тим.
Исто така, како што веќе информираше Спортска Мрежа пред Нова година беше одржано редовното годишно собрание на кое беше одлучено Зоран Милевски да биде претседател на клубот уште шест месеци односно до завршување на сезоната во Втората лига.
Пролетниот дел Преспа ќе го отвори против Шкендија Арачиново во гости.
