Од утре официјално стартува зимската сезона на ски-центарот Михајлово, кој ги отвора вратите за сите љубители на зимските спортови и планинската рекреација.
На располагање ќе бидат двете ски-стази – малата стаза со тепих-лифт, наменета за почетници и најмладите, како и големата стаза „Македонија“, која нуди одлични услови за поискусните скијачи и сноубордери.
„Ве очекуваат одлични услови, чист планински воздух и пријатна зимска атмосфера. Патните правци до Михајлово се чисти и целосно проодни, а нивното одржување и чистење се врши континуирано“, истакна градоначаникот на општина Кавадарци, Митко Јанчев.
Работното време на ски-центарот ќе биде од 09:00 часот.
