Ракометарите на Радовиш претпреа нов пораз со што и понатаму остануваат единствениот тим без триумф во Суперлигата, откако вечерва беа поразени на домашен терен од Пролет со резултат од 20:28.
На полувреме резултатот на мечот од 10. коло беше 8:14 за скопскиот тим. Во вториот дел Радовиш се обиде да се наметне и да ја подобри ефикасноста на нападот, а во одбрана да се постави подобро со цел да брка негатива за евентуален пресврт.
Во вториот дел многу шанси радовишани нереализираа, а тоа го казни тимот на Александар Јовиќ, со што Пролет веќе во 40. минута имаше 10:18 односно плус осум.
Шансите кои Радовиш не ги користеше, Пролет ги искористи максимално и одлепи на двојна предност од плус 11 гола за 10:21 во 44. минута.
Во финишот на рутина Пролет само го потврди високиот триумф од конечни 20:28.
Најдобар кај Радовиш беше Здравко Постолов со четири гола, а Славе Јанковски имаше три, а пак кај Пролет најефикасен беше Мохамед Таоуфик Маккар со осум гола, а Томислав Димковски имаше пет гола.
