Македонската ракометна репрезентација рано утринава „летна“ за Швајцарија, каде ќе ги има последните подготовките пред настапот на Европското првенство со три контролни натпревари на „Жолтиот куп“.
Интересен беше летот кон Швајцарија, секој ракометар си имаше своја занимација за време на летото, некој решава крстозбор, некој гледа видеа на телефон, муабети…
Македонија на „Жолтиот куп“ ќе игра со Бахреин, Украина и Швајцарија. По настапот на „Жолтиот куп“, македонската експедиција ќе се пресели во Данска, каде ќе ги направи финалните подготовки за Европското првенство. Последната проверка пред шампионатот е контролниот натпревар против данскиот прволигаш Митјиланд, закажан за 13 јануари од 19 часот.
Европското првенство Македонија ќе го започне на 16 јануари со силен тест против домаќинот Данска. Два дена подоцна следи пресметка со Португалија, а групната фаза ќе биде заокружена на 20 јануари со дуелот против Романија.
