Вардар ја продолжи соработката со Едиз Спахиу до јуни 2028 година, откако двете страни постигнаа договор за продолжување на верноста.
24-годишникот минатата година во зимскиот преоден рок пристигна од екипата на Тиквеш откако со тимот од Кавадарци ја подигна Куп титулата, а минатата година тоа го стори и со Вардар откако одново го освои Купот на Македонија.
Се работи за извонредно брз, експлозивен, интелигентен играч од нападот, од кого „црвено-црните“ очекуваат уште многу погодоци во противничките мрежи, притоа обезбедувајќи услови за тренинг и напредок како во ниту еден клуб во државата.
Покрај за Вардар и Тиквеш, Спахиу има настапувано и за екипите не Гостивар, Вардар Форино и Шкендија.
Во есенскиот дел за Вардар настапи на 16 натпревари во Првата лига и постигна два гола со две асистенции, а на теренот помина 312 минути, додека пак во Купот на Македонија запиша четири натпревари со една асистенција, а на стапи и на четирите натпревари од квалификациите за Конференциската лига на УЕФА со 79 минути на теренот.
