Босанскиот интернационалец Алдин Хрвановиќ кој го напушти Силекс, кариерата ја продолжи во Радник Бјелина. Напаѓачот за Силекс во Првата македонска фудбалска лига одигра 15 натпревари, а на кои постигна три гола.
Во македонскиот Куп, сега веќе екс фудбалерот на Силекс одигра два натпревари и постигна три гола, додека пак во квалификациите за Конференциската лига на УЕФА, за тимот од Кратово настапи на двата натпревари и постигна еден гол.
Додека пак минатата сезона за Силекс одигра 14 натпревари во Прва лига со да гола и една асистенција, како и еден натпревар во Купот на Македонија од сезона 2024/2025.
27-годишникот веќе е промовиран во новиот тим на Радник од Бјелина, тим кој презимува на седмата позиција со 21 бод во шампионатот на Босна и Херцеговина и ќе води битка за третото место кое води кон Конференциската лига на УЕФА, а разликата од Сараево кој е трет е осум бодови.
