Ракометниот клуб Младост од Богданци кој е есенски шампион во Првата лига без пораз се раздели со Антонио Николоски.
Левиот бек кој е поранешен кадетски и младински репрезентативец нема во иднина да го носи дресот на тимот од Богданци, а клубот веќе води преговори и се бара засилување на левата бековска позиција, според информациите на Спортска Мрежа, а во следниот период се очекува и промоција.
Младост е матичен клуб на Николоски, кој кариерата ќе ја продолжи во нова средина.
Младост Богданци испиша уште една историја во веќе богатата ракометна традиција, откако есенскиот дел го заврши без ниту еден пораз на челната позиција, што е уште еден огромен успех за клубот од малото гратче на Југот од Македонија, а тимот кој го води искусниот стратег Горан Андоновски цели кон директен влез во Суперлигата.
