Во рамките на 10. коло на Првата македонска лига – мажи, се одиграа неколку возбудливи и значајни натпревари.
Охрид – Вардар 83:82
Во крајно неизвесен меч во салата „Билјанини Извори“, охридските кошаркари ја поразија досега непоразената екипа на Вардар со минимални 83:82, забележувајќи 6-та победа сезонава. Финалните минути беа вистинска драма, а домашниот тим покажа голема храброст и карактер за да го добие овој клучен дуел.
Младинец – Црн Дрим 72:90
Црн Дрим стигна до планираните бодови на гостувањето кај Младинец, предводен од одличниот Дион Шабани со 41 поен. Поддршка му дадоа А. Шабани со 15, М. Ѓоровиќ со 13 и Камиловски со 12. Кај Младинец, Мантев беше најефикасен со 23 поени.
Водно Санс – Мега Баскет
Тимот на Водно Санс без проблеми на домашен терен во СРЦ „Кале“ ја декласираше екипата на Мега Баскет со 112:73.
Соколи 1933 – Овче Поле 90:65
Штипјани целосно доминираа од првата до последната минута, обезбедувајќи убедлива победа над Овче Поле. А. Тодоровски со 22 поени, 8 асистенции и 7 скока предводеше екипата, додека Хамилтон даде 17, а Караколев 12 поени.
Струмица ФМП – Спортисимо 92:47
Очекувана и убедлива победа на ко-лидерот во групата „Б“. Струмичани ја решија средбата уште во првата половина со 43:19. Најефикасен домашен кошаркар беше Ф. Пандев со 23 поени.
Бутел – Струмица Ролинг 106:79
Кошаркарите на Бутел ја потврдија доминацијата со шестата победа сезонава, предводени од Андреј Атанасов со 34 поени. Мартин Атанасов за гостите исто така даде 34, но тоа не беше доволно.
