Дебитантот Фудбал Старс Аутовелт со висок триумф од 4:1 над Овче Поле ја затвори есенската полусезона во Втората футсал лига. Тимот од Кочани вечерва со „брза“ победа го реши екс прволигашот со што трите бодови останаа дома.
Драган Трајчов по само три минути го отвори резултатот за водство на домаќинот, а Христијан Крстов веќе во 10. минута обезбеди двојна предност.
Во вториот дел продолжи да се треси мрежата на гостинот од Свети Николе, откако Ѓорги Зашев постигна гол во 32. минута за три гола предност, а по четири минути Трајчов со втор гол се погрижи за убедливи 4:0.
Во 38. минута од средбата која се играше во Кочани гостинот преку Роберт Андонов го ублажи поразот на конечни 4:1.
Фудбалс Старс Аутовелт со пет победи и три порази собра 15 бодови и ќе презими како четврти на табелата, а пак Овче Поле вечерва го доживеа четвртиот сезонски пораз, а има две победи и две ремија и со осум бодови ќе биде деветти за време на зимската пауза.
