Ракометната федерација на Македонија доби меѓународно признание за успешната работа и организациските достигнувања во изминатиот четиригодишен период.
На Конгресот на Светската ракометна федерација, македонската куќа на ракометот беше наградена за беспрекорната организација на Светското првенство за младинки што се одржа во 2024 година.
Признанието лично му го врачи претседателот на ИХФ, Хасан Мустафа, на претседателот на РФМ, Александар Стефанов.
Покрај ова признание, Ракометната федерација на Македонија продолжува со амбициозни планови и веќе има поднесено апликации за домаќинство на светските првенства во сите младински категории за периодот од 2026 до 2029 година.
