Охрид како на тренинг натпревар рутински славеше над „фенерџијата“ Радовиш со убедливи 14:37 (7:15) и со тоа победнички ја затвори успешната 2025 година.
„Гладијаторите“ воопшто и не се испотија, а тимот го водеше помошникот Наум Бабачев, во отсуство на српскиот стратег Борис Ројевиќ кој остана во Охрид.
Во комбиниран тим без многу сила и напор Охрид победнички се враќа дома, а Радовиш ќе презими на дното од табелата со многу прашалници како да се продолжи во пролетниот дел односно во 2026 година бидејќи клубот е под многу предизвици за што подетално ќе информираме во следните денови околу целата ситуација со Радовиш.
Во однос на самиот меч Бабачев се одлучи на тројцата голмани да им даде шанса на мечот, откако поделија по дваесетина минути. Започна Кристина Полиповиќ, потоа на голот застана Даниел Ѓорѓески, а заврши Бојан Блажески. Радовиш во вториот дел им даде шанса на младите Стефан Велков, Александар Ристов и Стефан Трајанов.
Прво име кај Радовиш беше Филип Трајанов со четири погодоци, додека пак кај Охрид прв стрелец беше Дејан Кукуловски со седум гола, шест имаше Николаос Лиапис, а пак по пет гола имаа Никола Шипинкоски, Никола Ристески и Иван Тасески.
Охрид ќе презими како трет со 29 бодови, а пролетниот дел го отвара на домашен терен со Прилеп, а пак Радовиш кој е на дното без бодови пролетниот дел го отвара против Тиквеш во Кавадарци.
