ФК Вардар на 13 јануари ќе замине на подготовки во Сиде, Турција, каде што ќе одигра вкупно шест пријателски натпревари, од кои пет веќе се договорени.
Од клубот информираат дека во моментов не се планираат нови засилувања, бидејќи сметаат дека ростерот е доволен за предизвиците што следуваат. Одредени најави за заминувања постојат, но станува збор за фудбалери кои немале значајна минутажа во тимот, велат од таборот на „црвено-црните“.
Еве го распоредот за пријателските натпревари:
17.01 – Јаблонец – Чешка
20.01 – се бара противник
23.01 – Мотор Лублин – Полска
26.01 – Махачкала – Русија
29.01 – Акхмат Грозни – Русија
02.02 – Алашкерт – Ерменија
