Кој резултат му одговара на Осогово за да презими како седми?

Утре со натпреварот меѓу Детонит Плачковица и Скопје кој се игра на Градскиот стадион во Радовиш ќе се комплетира есенската полусезона, а од мечот од 15. коло на Втората лига зависи и екипата на Осогово.

Популарните „жетвари“ кои зад себе имаат фантастична есен во моментот се седми на табелата со 24 бодови, но за да презимат како седми ќе треба „пиратите“ од Автокоманда да им завршат работа.

За Осогово да презими како седми на табелата ќе треба Детонит Плачковица да го загуби мечот со Скопје, па во таков случај радовишани ќе презимат како осми со 23 бодови, а Осогово ќе остане седми со 24 бодови.

Со реми во Радовиш, екипата на Детонит Плачковица ќе има 24 бодови, односно ќе избие на седмото место пред Осогово со ист број на бодови, а доколку радовишани ги добијат „пиратите“ тогаш ќе бидат седми со 26 бодови, два повеќе во таков случај од Осогово кој би бил осми.

Мечот се игра утре со почеток од 13 часот, а од овој меч зависи и позицијата на Беласица, какви комбинации им одговараат на струмичани, можете да прочитате овде.