Српскиот десен бек Предраг Вејин и Охрид веќе нема да соработуваат, откако двете страни решија да ги прекинат обврските на обострана согласност. Плановите за негов камбек не се реализираа, бидејќи продолжената пауза по повредата што ја носеше од периодот во Олимпијакос не му дозволи целосно да се врати во форма.
Со неговото заминување, Борис Ројевиќ целосно ќе се потпре на домашниот избор на десната страна, каде што конкурираат Томислав Јагуриновски, Давид Савревски и Никола Шипинкоски.
Вејин летово пристигна во Охрид како звучно засилување по двегодишниот ангажман во грчкиот гигант, а зад себе ги има и настапите за Нексе, Висла Плоцк, Металург, Данкерк, како и израелскиот Рамат Хашарон.
