Борачите на БК Бучим Радовиш, предводени од тренерот Влатко Анчев, имаа извонреден настап на меѓународниот турнир „Победник“, кој овој викенд се одржа во Белград, Србија.
Радовишани уште еднаш покажаа дека се меѓу најквалитетните во регионот, освојувајќи вкупно четири медали, од кои три златни и еден сребрен.
Златни медали освоија Илија Танчев, Мехмет Усинов и Димитар Атанасов, додека пак сребрен медал освои Младен Ефтимов.
Овој резултат претставува огромен успех за клубот и потврда за континуираната и квалитетна работа на тренерскиот тим и младите борци.
Турнирот „Победник“ е еден од најреномираните во регионот, со учество на силни екипи од повеќе држави, што уште повеќе го нагласува успехот на борачите од Радовиш.
БК Бучим Радовиш продолжува да гради имиџ на клуб кој постојано создава шампиони и носи медали на меѓународната сцена.
