Нов пораз за Кеги Моби или вкупно три порази, овој пат од повратникот проект со резултат од 3:6. Фаворитската улога беше на страна на гостинскиот тим кој во вториот дел го доби убедливи домаќинот, откако во првиот дел во Велес резултатот беше 2:3.
За домашниот тим стрелци беа Николовски, Ристовски и Дукадиновски, а пак за Проект четири гола даде Марио Благојевски, а по еден гол постигнаа Анчевски и Гавровски.
Шкупи убедливи 6:2 лесно го декласираше тимот на Клими од Кавадарци, каде Исмет Цека постигна хет-трик за домашниот тим, а по еден гол постигнаа Сефери, Мемедов и Алили, а пак за гостинот Никовиќ и Аризанов беа стрелци.
Осогово запиша победа во меч со единаесет погодоци над Црна Река од конечни 7:4. Домашниот тим беше фаворит за трите бодови, а фавортиската улога беше оправдата со што трите бодови останаа во Крива Паланка.
Давид Ристовски постигнат два гола, а по еден гол постигнаа Павловски, Станојковски, Тодоровски и Ангеловски, а последниот гол беше дело на Кристијан Ристовски. За гостинот од Кавадарци Димов и Гацев постигнаа по еден гол, а пак Коцев беше стрелец на два гола.
Четвртото коло беше отворено со победата на Железарец од 4:1 над Бутел во меч каде Крстевски, Богевски, Скепаровски и Цветковски беа стрелци за домашниот тим кој лесно прокнижи три бода, а за гостинот единствен стрелец беше Тодоровски.
Колото ќе биде комплетирано вечерва со дуелот меѓу шампионот Форца и Јувентус Серава во меч каде домашниот тим е апсолутен фаворит за нов триумф.
